[召喚]有玩diva既玩家 + 1個(幾無聊)既問題

小雪冰

回復 1340# Torchic╳小火雞
我指果部綠色既機係borderbreak
姐係第2個「呢部」既機
過往去有呢部機既機鋪玩PDA既時候 都未見過有人玩呢部
我又冇留意佢係玩咩

哇 DEA堅係要跟足成隻舞黎跳先有分?
跳流歌流歌真係會好攰...
果然呢首歌點樣玩法都好 都會虐待玩家們
無論係玩PDA、洗衣機(最近去PC玩PDA既時候見到有人玩流歌 禁到d掣好鬼響 大概都幾難玩)定係DEA
對玩家既要求都好高啊orz

話說
片中玩家太神了吧
佢一係有跳開舞
一係就因為玩得多DEA 於是先跳得咁順同埋咁柔軟
好羨慕啊orz

嘛 竟然係咁
宜家香港寸金尺土wor
應該有幾多位就用盡哂佢
SmartGame真係唔打算搬番部機放係度咁搞笑

我宜家先發現原來f同F係唔一樣 lol
應該話 我幾乎唔記得左F既存在

講開玩其他音G
之前我都有諗過好冇試下玩埋洗衣機
不過後尾諗諗下
我又驚又玩PDA、又玩洗衣機既話
會比人食錢食得好快
於是我都係專注玩PDA就算
我都唔想比街機吸左我太多錢
(我有做個小小統計
每次玩完PDA都寫低用左幾多錢
雖然唔係一開始就咁做
不過我發現暫時已經用左接近$200
計埋之前冇計既錢
我諗都有$300)

不過我都有興趣知下K社點吸金法

Torchic╳小火雞

BB既話
其實係即時射擊對戰...之類
成日睇人玩都覺得幾爽 不過我一向都唔玩音樂遊戲以外既野

順帶一提 BB同樣都係SEGA
所以你會見到個框體其實同PDA差唔多(雖然顏色就差好遠

============================

不過我發現暫時已經用左接近$200

............我同你比既話 你應該會覺得我洗錢洗得好嚴重
當然我本身有正職

想當年PDA係10蚊既時候(仲要係入兩個五蚊
係會見到d人唱住一袋一袋既5蚊 應該都有成百幾蚊係裡面
然後就不斷係度煲PDA

我諗果d人宜家應該後悔緊

==========================

嘛 香港寸金尺土
不過買左塊地之後 咪又係要買部機先打得
始終買部機都要錢(雖然要視乎佢買咩機 例如d好舊既遊戲就應該貴唔到去邊
所以寧願唔放多部機係果個空位度 未必係一件壞事

反而日本d機鋪
每部機同每部機之間係有好多空間 完全冇壓迫感(雖然我未去過

===============================

K社點吸金法...嘛...
1. 一開始唔會齊晒所有歌 要玩夠一定既鋪數先會開到d新歌
　然後有d人會覺得有新歌就威d 或者「人有我冇」既心態所致
　不斷狂投幣狂玩狂開歌直至開晒d歌為止

2. K社見佢輆下既音G當中 jubeat最受歡迎 反而其他就冇咁受歡迎
　於是就嘗試將jubeat同其他音G進行連動
　要迫你玩其他音G玩一定既鋪數 先會係jubeat開到某d新曲
　有d只會玩jubeat既玩家甚至覺得「時間好珍貴」
　於是就只會投幣 之後就等扣血等死 再投幣 再等死...
　務求達到一定既play回數 開新曲
　(冇錯 的確係有d咁既人存在 我都唔知佢地係懷住d咩心態

再加上K社輆下既9隻遊戲(剩係計最新版本啦)
最平既都要6蚊 最貴既10蚊都有(例如頭先講既DEA

小雪冰

回復 1342# Torchic╳小火雞
原來BB係射擊遊戲黎
不過我都冇興趣玩
我都係鐘意玩音G多d
(話說music gungun等我啊lol)

其實我見BB部機個樣同PDA差唔多
所以我第一眼見到佢既感覺
都係諗緊 :「佢係唔係音G黎?」
只不過我冇深究咁解

花費方面
算啦 我始終係個冇收入既窮學生
所以洗左$200係PDA上面都已經幾多架啦
$10玩一鋪PDA...haha
同宜家真係天同地比
個道理同iPhone一樣
新型號岩岩出就勁貴
後尾就會平好多

咁又係既 買機都唔平
我諗住唔放機會蝕錢既原因
係因為我諗住佢可能會係第2度搬部機過黎咁
不過宜家諗又唔合邏輯
因為假如真係搬走左 咁果度都會少左一部機-.-
咁姐係個問題冇解決過 仲要蝕埋運費

日本始終同香港唔同
日本地方大好多
所以地方闊落都係正常既事

K社...果然很邪惡
開歌係一件好吸金既事黎
SEGA其實都有開歌呢樣野
只不過佢放左落掌上遊戲機果類既機體度咁解
所以就冇左額外吸金呢回事

至於第2點
我有時睇呢個版其他帖 都好似見過類似既帖
...至於抱住「時間珍貴論」既玩家
我表示我唔明佢地既心態
因為我覺得..咁樣係本末倒置左
除非佢地只係想玩jubeat啦-.-
不過咁樣都幾哂錢
反正都入左錢啦 做乜唔玩埋佢
所以真係要睇玩家點諗

6蚊一鋪既街機對我黎講唔多接受到
5蚊我已經唔想玩-.-
沒經濟能力既人已經被趕走了

Torchic╳小火雞

BB看螢幕就只會看到一堆機械人
怎看也不會覺得是音G吧

==========================

花費方面...又未必可以拎iPhone黎比既
始終宜家冇可能每鋪升返上10蚊
(假如宜家升返上10蚊既話就真係拍蚊啦

==========================

至於我所講既第2點
我的確唔明d人諗緊d咩
可能係「希望可以快d玩到新歌」
或者「驚陣間有人跟機 見冇人跟機就一次過投幣幾鋪先」

不過SEGA都開始識做
之前PDA有同maimai連動
PDA玩家可以拎skin 而maimai玩家就拎頭像
不過呢個連動已經算小規模 相比K社果d

同埋
係街機上 SEGA得2種音G 而K社有9種

所以宜家要慳錢玩音G既話
一係玩PDA 一係玩舊音G
(舊既jubeat可以平到一蚊鋪都有

小雪冰

回復 1344# Torchic╳小火雞
因為我行近去PDA既時候
BB個mon仲遠我有段距離
加上角度問題
所以我就見唔到佢個mon既畫面
於是就唔知究竟係玩緊咩

乜原來iPhone宜家又貴左?
其實我冇留意開呢樣野
我都係聽人講...haha

你講既玩家心態其實都有可能係
咁當然我地唔係呢種玩家 就唔知係邊種
而且可能會因人而異都唔定

玩音G其實係一件雙向既事黎
公司識做 玩家玩得開心
自然肯比多d金公司吸
公司出音G無非都係想賺錢姐

SEGA原來得2種音G咁少
除左PDA 另外一種係咩黎?

舊jubeat我最多見過2蚊鋪
1蚊就真係未見過

Toriya

今天去元朗找朋友, 順道上天水圍打 PDA
K 社真的好恐怖
看到那些人抽遊戲王卡<好似倒水落海咁>
10 蚊一場 PDA 相對也是小兒科了
卡舖老板娘真係賺到笑 K 社哈哈笑

唔... 清了超上級課題 (躺

Torchic╳小火雞

我連PDA也沒有時間玩

不過最好賺的其實不是音樂遊戲
反而用金幣來玩的東西會更好賺 大概
例如老虎機馬機之類的

有次在荃金等候朋友 不過又不想打機
恰巧灣岸4剛推出 於是就去看人玩灣岸(本身也不玩賽車遊戲
一鋪6蚊 玩一個跑道大約五分鐘多 就完了
之後續玩又再入多6蚊 又玩一個跑道 又投幣續玩...
心想灣岸還真的很好賺

小雪冰

回復 1346# Toriya
有d人係放好多錢落娛樂方面
打online game就狂買點數
買卡就狂比錢買卡 之類
$10一場PDA...
其實與其話「貴」
不如話係「唔抵」仲更加貼切
宜家$3都玩到一鋪 $10自然就顯得極度唔抵
不過算數啦 有錢人(或者覺得錢都唔係咁重要之類既人)大概就唔會理呢d小事

回復 1347# Torchic╳小火雞
我都有d時間玩既
不過費事玩得咁密 同埋用咁多錢咁解

用金幣玩既機..
我會諗起冒險樂園果種食錢機
姐係要入金幣落去 跟住達到唔知咩要求 (例如係跳到數字777)既時候
就會中jackpot果種
呢d就堅係食水食得好深
機鋪咩機食錢 我就唔清楚

結論：世界上總係會有d人係某方面洗好多好多錢落去
打機係其中一個例子
賭錢都係

Torchic╳小火雞

其實用金幣玩既機就唔只冒險樂園果d既
雖然冒險樂園係買金幣→玩→出tickets→拎tickets換禮品

機鋪也有的 例如老虎機阿 馬機阿 射魚果d等等
果d就真係買金幣→玩→出金幣(贏既話)→再拎果d金幣再玩
當然金幣係唔可以換返港幣 否則就屬於非法賭博 違法的
早前PC被警方封鎖了數天 傳聞就是指有人在裡面進行上述交易

==============================

今日有要事去調景嶺 不過要去觀塘轉車
於是上去APM看了一看
本來兩部PDA 現在有一部長期關掉(我這一個月多總共去過三次 三次也是關了機
嗯...

小雪冰

回復 1349# Torchic╳小火雞
因為我冇接觸過機鋪入面用金幣玩既機
所以我對金幣game既層面仲停留左係冒險樂園上面lol

就咁聽落
機鋪既金幣game好似冇冒險樂園咁蝕
雖然冒險樂園有部份獎品應該都有用
但係要成萬張飛黎換...
所以我諗換既人數都唔會多得去邊

反之
機鋪既game有可能會出番金幣
而唔係用黎換禮品既飛 (其實唔係玩得密既 d飛真係冇乜用...)
咁起碼可以玩耐d先

還好 PC宜家已經再開番
於是我又可以繼續幫襯$3 PDA

嘛...PDA沒落了嗎
因為PDA似乎出現左不斷被搬走既趨勢
話時話 熜機我都係第一次聽
我亦都未見過機鋪會熜左某d機-.-