[召喚]有玩diva既玩家 + 1個(幾無聊)既問題

小雪冰

回復 1330# Torchic╳小火雞
「電影感」是指立體感嗎? (誤

orz 我未睇得出有咩分別...
等我再研究一下先-.-

條片臨尾果度show左一次新機個樣出黎
我諗應該係換新機
雖然可能真係可以好似你咁講 就咁裝條slider落去都一樣玩到... (?

我表示加左條slider令我多左d壓力
因為一陣首歌癲起上黎
我又要匆匆忙忙咁禁掣
又要趕頭趕命咁玩slide
大概個場面會好混亂
就好似玩流歌夜狂熱 / 滾動娘一樣orz

舊譜如果要加箭咀
咁對SEGA黎講大概係折磨黎
畢竟總數都有成過百首歌吧?
係要加既 不如順便改埋星數評級就好了
要邁向光明既未來(隨便啦 冇理由連改星數都唔肯做掛
有d歌既難度被扭曲得幾緊要下orz

Torchic╳小火雞

又不能說是立體感
應該是「氣氛感受起來就像看電影」之類的

==========================

新機的樣子跟舊機差不多 就除了周圍的可拆式廣告牌和Slider
(其實螢幕周圍的框框看起來也好像有不同?
況且看到遊戲畫面就除了多了箭嘴外和畫質好一點之外
遊戲界面就跟之前沒有分別
所以我才估計應該是舊機也可以升級就是了

係舊譜上加箭嘴就應該唔難既
只不過係睇多次首歌 然後「啊 睇落呢個位可以加個箭嘴 加落去先」
咁就好快整晒d歌架啦

再況且可能有舊歌刪掉都唔一定
(始終太多歌唔係好事黎 因為要玩晒所有歌都好辛苦

小雪冰

回復 1332# Torchic╳小火雞
原來如此
的確PDA既畫質幾靚
媲美 (甚至超越)電影既畫質
我諗暫時我人生之中見過最靚既畫質就係PDA呢種

機體的分別嘛 比較一下圖片就好了
舊機


新機


舊機係以藍色為主
初音既陰影比較明顯 同埋範圍大d
新機就以白色同彩色(類似)為主
初音既陰影就冇咁明顯 大概係顏色配搭既問題
範圍都冇咁大
高度睇落似乎冇舊機咁高身 唔知係唔係角度問題

至於舊機可唔可以升級
都係果句 要睇番SEGA想點處置舊機
始終升級同埋買新機兩者既價錢相比 照計都係後者較大
SEGA可能會屈d機鋪買新機黎賺錢都唔定
前提係呢個方法賺既錢多過升級果度收番黎既錢 (升級要收錢架可?)

箭咀方面
唔知係唔係4種難度都會有箭咀既出現
如果有既話 咁就要幫超過400個譜面加箭咀
都幾大工程下

刪歌...
會唔會引起玩家不滿
SEGA應該都係想堆多d歌係度
咁PDA先會玩唔完
始終PDA玩得完既就會吸唔到金

Torchic╳小火雞

大升級(例如好似呢個)
係要收錢
(所以每次PDA一大執就有機會加價

睇返兩幅圖
新機既黃色START掣同左右掣好似唔見左
睇黎START掣果個位變成Slider都唔出奇
(嘛 其實拆個殼出黎 嵌個Slider落去應該唔係問題掛

刪歌會唔會引起玩家不滿呢...係有可能既
不過確實宜家有d歌就真係冇咩人玩(嗯...

小雪冰

回復 1334# Torchic╳小火雞
以我所知
PDA宜家個mon係特製既
所以先顯示到咁靚既畫質
舊機呢個mon唔知有冇可能再顯示新機果種再靚d既畫質
如果唔得既話 我諗大概要換機
咁就會(大幅?)加價啦orzorz
咁我寧願玩番舊機
我對畫質既要求 舊機已經滿足到-.-

你唔講
我都冇留意到新機唔見左個start掣同左右掣
而且條slider個位置..
就咁睇落 的確係舊機start掣同左右掣果度黎
拆得到、SEGA又肯舊機升級既
咁就最好啦 (茶

好似真係有d歌冇其他歌受歡迎
有時去youtube搵片黎睇既時候
都會發現唔知點解d片少得幾緊要
平時搵其他歌 多數都幾多
於是我要去番niconico度搵

Torchic╳小火雞

斷估SEGA唔會將一部出左三四年(?)既遊戲
咁快就要淘汰d舊機掛...

再加上宜家玩PDA既人越黎越少(好多人都轉投洗衣機 甚至係K社音G
d機鋪老闆見到有更新就應該會更新既
不過假如真係要買部新機既話 買左又好似有d唔抵

p.s. 今日係mk88留左四個鐘左右
雖然人好多 不過果兩部PDA完全見唔到有人玩

同埋旺角有一間叫SmartGame既地方
本來放左兩部PDA 宜家都搬走左一部

小雪冰

回復 1336# Torchic╳小火雞
可以保留番舊機就最好啦
環保嘛 (其實重點係可以慳錢)

是嗎 PC果度仍然不乏PDA既玩家
真係次次去親都有人玩緊咁濟
除非我係係平日 大家番緊學 / 番緊工既時候去玩
如果唔係一定要跟機

mk88 PDA幾錢先?
$5既話 多數都係拍烏英

SmartGame搬走PDA orz
咁本來個位宜家放左咩機係度
---------------------------------------------------------
新發現
官網已經出左新機既介紹資料
除左加slider 畫面美化等等之外
model方面可以唔止揀兩個咁少 最多可以揀3個
於是姐係支援3人曲
另外仲多左四個配件部份：頭、面、胸、背
加上貓耳的初音...啊啊啊
今後看來會有VP大消耗的日子了orz
於是乎 SEGA打算靠今次更新來一次「拯救人流大反擊」了嗎

Torchic╳小火雞

mk88既話 5蚊
不過勝在間野夠出名 本身間機鋪夠多人
可惜...因為有部DEA係旁邊既關係
果兩部PDA就變成DEA玩家坐係度排隊等玩既地方

PC仍然有PDA玩家就正常既...我好佩服PC仲可以保持到3蚊
以我所見到有d本來3蚊既地方 都加左1蚊

SmartGame...純粹係搬走左部機 多左個空位 冇放其他野
(反而對面兩部洗衣機就成日有人玩

==============================

我開始發現 點解SEGA遲遲唔移植DIVA f既曲子
(就剩係得PV唔同既千本櫻 世界末舞廳 等等...
可能真係要等埋更新先肯移植 (始終f/F有包括三人曲

配件...我宜家玩DIVA F都有配件呢樣野
不過我完全無視左配件部份 只係理服裝就算
只可以話配件可以用黎令到每位玩家「個性化」
(例如我鐘意所有服裝都加對翼...之類

小雪冰

回復 1338# Torchic╳小火雞
DEA係唔係綠色、同PDA差唔多size既機黎?
我見旺角GameZone (唔記得係咪呢個名 總之係新之地下果間)同埋元朗GameStation既PDA隔離
都係放左一兩部綠色既機係度
不過我冇研究佢叫咩名 同埋玩d咩

所以話5蚊PDA一定係拍蚊咁濟-.-
正常人見到都唔會玩...
好正常

我諗PC保持到3蚊都係因為呢度既PDA玩家比較多
於是收入比較穩定
又費事加價嚇走d客
所以先採取薄利(?)多銷既手法

搬左部機但係唔放其他機咁哂位..
可能SmartGame計劃緊放咩機 / 搬緊部機過去姐
照計唔會長期空左個位佢咁奇怪

移植f既歌呢方面
我都有諗過係同future tone既更新有關
因為大概future tone更新既時候
會順便加埋f既歌
因為我見佢條片入面播既歌都係f既歌黎
而且到時又可以揀3個model
正如你所講 咁先支援到acute呢類3人曲

原來f都有配件?
我真係唔知-.-
SEGA除左model之外又另外加配件呢樣個性化既設定
都係想吸多d金
基本上 一隻遊戲既個人化既元素愈多
就愈容易吸金

Torchic╳小火雞

新之地下果間叫旺角GameZone冇錯
不過我諗綠色果部...我真係諗唔到係咩黎
係咪音樂遊戲黎
(如果你話綠色 我會諗到呢部 呢部 或者呢部 或者呢部

不過我講既DEA係指果個體感跳舞遊戲
說實話付10蚊玩一次DEA的流歌流歌 鐘好過付3蚊玩PDA的流歌流歌


================================

不過SmartGame呢...確實果個位本來係放緊兩部機
【機  機】
然後搬走左一部之後 最多都係將另一部放左中間少少既位置
【  機  】
唔似會放新野

=========================

其實我唔記得左f(PSV)有冇配件
不過F(PS3)就一定有
吸金呢方面呢...始終人地都要做生意既
不過SEGA就已經算有良心

(好彩你唔玩K社既野 K社其實更加吸金