親眼見香港中學生係郵局......

bob1995112

尋日去郵局見到一個中學生，以身高估計係中三以上。
呢個中學生去寄包裹我排佢後面，拎住袋野走埋去問郵局職
員

對話如下
中學生：「我想寄呢袋野.」
郵局職員：「你包好佢，填左份form再過來」
中學生：「要包好佢？我袋起左law。」
郵局職員：「用紙袋裝起，我地唔收架」
中學生：「點樣包？」
郵局職員：「你可以用個紙盒pack好佢」
中學生：「要我執紙盒？」
郵局職員：「我地有得賣紙盒」
中學生：「咁要裝起呢袋野要用邊個紙盒」
郵局職員：「你試下呢個啦，$X 蚊姐」(我唔記得係幾錢)
中學生：「要而家比錢架？」
郵局職員：「咁你而家買就而家比law, 你想轉頭買就轉頭比」
(學生唔多情願地比左錢)

郵局職員：「要填份form, 你寄郵去邊」
中學生：「我寄去香港仔，我要空郵」
郵局職員：「空郵？」
中學生：「係呀，最快係空郵麻？」(佢唔似講笑)
郵局職員：「唔好意思，寄去邊到話？」
中學生：「都話香港仔咯」
郵局職員：「小朋友，寄本港係無空郵架」
(呢個時候排係後面的我忍唔到笑，嘰嘰咁笑左出來)
(亦有一兩個人都有偷笑)
中學生：「仲乜叫我小朋友？我覺得你咁好唔尊重我，我係
來寄野，唔係來比你笑架」

中學生怒氣沖沖無寄到野拎埋d野走人...
呢d就係香港教育出來, 社會未來的主人翁     :smile_19:

會唔會真係離譜左D !!?? 空郵同平郵都仲未識分!?

kity3476556

你又知佢係中學?

aesdedse

佢係唔係拍搞笑片咋

killerSZ

算啦  香港用ge係填鴨式
都無一科會教你點樣寄信 寄郵包
無讀過 當然會唔識啦~    唔好怪佢地啦~~~

佢可能以為香港仔會好遠  好荒蕪 要用空郵(投)先寄到...?
---------------------------------------------------------
搞笑完畢

中學生：「仲乜叫我小朋友？我覺得你咁好唔尊重我，我係來寄野，唔係來比你笑架」

我睇到le句時笑左
你做出來的反應像大人的話  就算你係得6歲  人地都會好正式地幫助你...
不過我相信佢比人笑左次之後  一定會刻骨銘心
知道寄本港只可用平郵   同寄郵包要買專用箱  寫表格

-------------------------------------------------------------------
唔知佢會唔會寫信  學人投訴 ...?

wl01441534

我身為中學生要說一下:
你個死仔唔好讀中學啦,
讀小一啦,
都唔知係唔係路的

mx556

真係幾好笑下wo,你真係好彩,咁都比你聽到

'LEAH迷囝:)

個學生好似玩野甘-,-

cheung06

冇計啦,香港多傻仔

生物

真係世風日下
香港學生連基本常識都冇

lunpkpk

而家d中學生冇知識冇eq