小弟長氣意見~有心覆有心睇請進~

大問題王

其實小分弟都好耐冇上黎
不過對神兵4~書內容都有少少少不吐不快~就大膽打下自己感受
定請大家一齊討論下

1)呢個討論區好難搵~一個主要講ONLINE GAME既討論區要黎做港漫既論壇~唔好話有人會知~
  就算搵到討論區版面~呢個區係叫做"福龍漫畫"....其實正正經經叫神兵四討論區會唔會好D呢?

2)搞清楚個故事都成問題
  老老實實~我開頭幾期都有上黎傾下計~討論下
  但係而家~故事嚮現世~宇外流化~前世~N條線發展~
  唔好話討論~要搞清楚個故事都成問題~對於完全唔明白既事點有討論空間?
  最重點係~我覺得故事中既打鬥其實嚮邊度發生其實對故事發展冇任何影響
  幾個有心思既世界只係起到佈景板既作用~
  只係地球打會局限左大家既力量(冇咁好睇!?)...嚮宇外流化打就個個好打D...嚮前世打就著古裝...

3)故事太亂~有待改善
可能因為近幾期收到網友話故事亂~龍少有D反應~就係開始交代返武器既特性同神兵會既目的等等
  補鑊既成份好重~不過總算令人明白多D~~係好事~亦好有趣~
  不過下次開始都係事前交待清楚會好D~起碼大家唔駛睇到一頭問號

4)忠奸正邪不分
  到左而家~我諗龍少係想表現一個冇絕對錯對既世界~紀辰天好大機會會幫返穹白都唔定
  而家神聖一D都唔神聖~魔鬼一樣既神~穹白會唔會咁老套係要推翻佢暴政先反佢呢?
  最慘係如果你話神聖陣形個個都邪就話0者
  不過密藏龍行心藍又唔似壞人~咁神聖陣形發展落去會點呢?
  
5)人物關係問題
  人物關係錯綜複雜對寫人物性格係好事~
  對於故事推展都有好處~例如可以搵D半紅不黑既嘍囉死下搞下氣氛
  不過而家感覺係又亂又複雜~
  總之全世界都係要爭"紀辰天既控制權"或者要"殺死異魔~
  咁係唔係代表只要紀辰天落入其中一方手上就GAME OVER呢?
  而家照粗略統計已經有(A)神兵會~(B)穹白~(C)久石焚風~(D)百渡....
  如果紀辰天死左得益會係邊一方呢?
  真係......亂

6)我地既主角係一把劍...
  我最介意既一樣野~一個事實~我地既主角係一把劍.....
  我真係唔多接受呢個設定~大家諗下~無論佢幾有個人思想~幾高武功~幾抵死搞鬼~講到尾原來佢只係一把劍
  我想像唔到到時紀辰天變返打把劍~有個對白框就嚮把劍度彈出黎代表紀辰天講緊野...
  情況好似一本日本漫畫噬魂者~都係講兩個人係拍擋~其中一個係可以變做武器既...
  一個人同件武器發生感情....唔唔....
  如果要比個解釋我接受佢~我就當佢係麥加登--一個大佬變成枝槍比D手下用--話曬變型金剛係機械人~人情味冇咁強
  不過套用到去活生生既主角度...SORRY~可能係我個人問題~我真係唔鐘意紀辰天係一把劍...

wood2046

想回一回問題 6) ，我諗紀辰天唔係一把劍咁簡單o既
紀辰天情況就好似問天有綠臂咁，只有佢先可以駕馭"界殛"
不過我最反感應該係紀辰天不論今世定上幾世，雙手拎"界殛"幻刃果陣好鬼騎呢

大問題王

原帖由 wood2046 於 14-6-2008 15:25 發表
想回一回問題 6) ，我諗紀辰天唔係一把劍咁簡單o既
紀辰天情況就好似問天有綠臂咁，只有佢先可以駕馭"界殛"
不過我最反感應該係紀辰天不論今世定上幾世，雙手拎"界殛"幻刃果陣好鬼騎呢

唔知我有冇記錯~
因為我記得睇左上幾期
穹白真係提過紀辰天只係一把神兵~
佢只係神兵化為人形
等我返屋企睇多次先

Wuvist

這位朋友說的蠻不錯，不過，有兩點我不同意…

“忠奸正邪不分”
這個怎麼回事缺點？明明就是優點啊∼∼
難道面譜化，公式化的故事就好看？！世界明明就是復雜的，灰色的。人物性格復雜、正邪難判才是好看…

“我地既主角係一把劍...”
沒有關系哈∼∼孫悟空同學不也只是從石頭裡面蹦出來的？？辰天是陽石，跟悟空也是有得一拚∼∼


===========
最怕的就是情節鋪得太開，世界觀人物太復雜……
然後…爛尾掉。。。。想想龍神、想想大聖王…真的很怕……

福龍要加油！！！

偶可是在新加坡每期必買。。。。跟漫畫店給錢長期預訂的。。。千萬要堅持開頭這樣的水准∼∼只許提高，不許下降！

黑暗夜神月

的確，全書好似得紀辰天同一兩個係忠。


其地個個都想剎死主角，覺得好無助。
神兵又追剎佢，而家重多埋魔兵，點夠打呀？！[[bao_37]]

大問題王

原帖由 Wuvist 於 14-6-2008 23:20 發表
這位朋友說的蠻不錯，不過，有兩點我不同意…

沒有關系哈∼∼孫悟空同學不也只是從石頭裡面蹦出來的？？辰天是陽石，跟悟空也是有得一拚∼∼


...

問題係~孫悟空唔會變返舊石
紀辰天就會變返把劍/綠珠......

另外~我覺得忠奸不分唔係唔好~之不過如果冇忠冇奸~
而家兩邊比我既感覺都係為達目的不擇手段
咁身為讀者真係好難去支持其中一方~
唔通咁就可以將集中存放曬落我地既主角身上?

而且~亦正亦邪唔係唔好~不過而家感覺就好似睇緊兩個邪神同鬥咁~
就算邊方面可以攞返宇外流化都唔係一件好事......
咁就算邊邊嬴左~都唔會令讀者有大快人心既感覺
而家就好似古惑仔咁~鬥多人啦~嚮人最弱0個日去打佢~為求目的不擇手段...

我覺得問題就出嚮呢度

[ 本帖最後由 大問題王 於 16-6-2008 14:51 編輯 ]