神4的討論區好與壞

chunbb

以我所知好小香港漫畫會咁大膽出一個討論區，就連一向花樣多多既黃先生都無就知道，所以未必一定係好事，話晒頭一次出書點都唔想比人彈到一文不值嘛，更何況黃生既書十本中有九本係搵苯。。。

言歸正傳，睇左十幾期了，開始感覺呢本書已經走向玉皇朝既吹襲(拖泥帶水､畫格大､四格漫畫､價錢比人貴)，每次睇完火都黎埋，所以我已經無買好耐，現在既然龍少要自己出書，為何沒有自己既風格? 或者做個比喻，日本漫畫點解優勝，單係一點能夠令讀者有飽肚既感覺就已經贏晒啦! 因為每個漫畫迷每天走過報灘，例必都好似撞邪咁，就算有靚女行過都好，明知道今日無佢想要既書出版，都要停低望一望，正所謂「精神食糧」嘛! 當你拿起自己等左咁耐既書，飯都可以唔食啊! 最可惜既係，而家無乜邊幾本書可以做到呢點，為何馬榮成的「天下畫集」會咁成功呢? 原因就是如此!

現今網絡發達，甚至可以唔使落街就已經可即日免費下載，而唯一對抗既手法就係出一本好書，始終拿住係手既感覺係唔同d，而身為龍少的支持者，我真係好想佢能夠成功架!

PS: 題外話，呢個討論區都幾難搵! 首頁都無連結(搵左好耐)。

以上可能有好多錯字，請多多包容!!

wood2046

頗同意 chunbb o既說法，的確搞一個港漫官方討論區會係非常惡搞，本書唔好睇o既話一定會被人踐踏到體無完膚，有時我起度諗如果名捕出討論區，只怕會變成「討伐區」
其實睇返有一期福龍周記講到因為討論區反應覺得劇情緩慢而特登修改劇情，安排劇情將沙曼洛死亡，是否當表一種警號，神 4 劇情變成左由討論區意見左右到o既故事，最怕為左迎合討論區意見修改劇情而破壞原本劇本影響劇情，當然o的種情況只會發生起神 4 早就有完整劇本，而唔係邊做邊作

xmen

討論版有不同意見，反映讀者都支持本漫畫既~~如果唔係真係上網打字都size氣啦﹗
不過<神4>又不至於樓主所言<拖泥帶水､畫格大､四格漫畫､價錢比人貴>既，只係<神4>劇情的確推進較慢，欠缺高潮位。不過始終值得支持既。

另外，亦都明白而家「網上版」真係好快，幾乎同一日就有喇﹗不過只要本漫畫係好睇既，相信「網上版」既影響都唔會太大既﹗正如日漫都有好多人追網上版，不過佢出返之時會依然買返本儲呢﹗其實而家港漫真係慢慢息微，好似玉記仲keep住出書，龍少仲打算創新既漫畫人真係少之又少，希望本書會不斷改善啦﹗

p.s 討論版個地址每期書後既預告下面都會有呢~一d都唔難搵架﹗

chunbb

原帖由 xmen 於 28-4-2008 13:08 發表
討論版有不同意見，反映讀者都支持本漫畫既~~如果唔係真係上網打字都size氣啦﹗
不過又不至於樓主所言既，只係劇情的確推進較慢，欠缺高潮位。不過始終值得支持既。

另外，亦都明白而家「網上版」真係好快，幾乎 ...

或者我既表達能力太水，我意思係唔希望見到神4會吹向「玉記」既漫畫風，例如「新龍､天子六､神焦」太過刻意去拉長編幅，記得有次我拿起一本新龍數格仔，結果每多格仔那頁竟然只有「六格」，火都黎埋最後決定罷買(上網睇好過)，就好似一向的精神食糧變左做「基因改做」一樣食之無味 =﹏=!

咁又係啊，一本好書我原全唔介意拎錢出黎買!

amanolee

[[bao_29]] 你冇講錯！呢個討論區真難搵！
[[bao_37]] 玉郎明搵笨啦！D漫畫開頭叫龍哥畫，之后又換人。佢換人我咪晤買咯！
                *大唐,天子,新龍.....[[bao_35]]
[[bao_34]] 希望神兵4冇令我失望！

monmon

有冇圖睇下.