唔明點解講轉盤野要集中係一個貼

yuncash

我反對 原因
1.唔方便. 大家講既野雖然都係關於轉盤 但傾既野唔同 有d人怨乜怨乜 有d人就傾內容係同一個貼入面一黎亂到死 2黎d人都冇心機入去傾  

2.天龍樂古區自問人流多唔多大家有眼睇
多開幾個post熱鬧d唔好? 我自己睇到既係  暫時d post即使討論性唔高 都總會有人回貼你話重覆左topic就話關我覺得合理  過一段時間冇人回覆 關貼 我都覺得合理

btw 我自己就唔會專登去個集中貼到傾囉 因為我冇理由要追哂你咁多頁架唔好話轉盤 其他都唔應該開咩集中貼囉 個樂古 依家好多post 迫爆頭版 搞到要開集中貼縮減d topic咩?

囧rz=3

轉盤E個問題糸E個時勢出現左好多話題..如果唔集中..你知啦好多人小小事都要開個POST 所講既野又大多相同..唔通你想一打開天龍板..就全部都糸關於轉盤咩..比你都冇心機睇啦..又會令到其他post沉左..咁樣集中貼唔糸有好處咩?
糸集中貼到所討論既都可以好多元..你講完野..有人回就自然有人回。
人流..全板關於轉盤既野..講埋都糸d小事..你睇唔睇呀..回黎回去都糸得個幾個比你回唔回呀?
有心傾既糸集中貼到傾好難?
仲有開多幾個post並不代表多人流。
最後我想講天龍真糸小左好多人傾計了

登穿石

因為有人覺得呢度重係好似5年前咁多人發帖，奇實成個星期都無人發過帖。

tomy09

你要諗下,樂古依家絕大部份既帖,回覆既數量只係佔睇過既數量一成,可能連一成都冇,成班都係食花生睇戲,樓主你睇下自己個post有幾多人睇過,有幾多人回過,我諗版主都係唔想見到一大堆冇人回既post先開集中帖姐

呀楊

講真我都唔會特登走去集中帖到睇
真係冇心機睇晒
不過版主咁做都有佢嘅意思
咁做可以令到啲post唔洗沉得太快

∼香Ｂ∼

作為版主,,但因為來緊4月既HKDSE..我唔可以長時間上線去睇住個版..每日只係臨訓前睇一次回覆睇下有無違規..而攻略同活動我地都無時間搞..希望大家可以自律!! 好抱歉..

至於集中帖,,我開集中帖唔係無原因..希望大家體諒!!
集中帖既原意係唔希望因為過濫而內容類近既帖子充斥本版,,而令真正對大家有幫助既素質帖下沉得太厲害!! 集中帖可以作為大家既抱怨,,收放物品,,發表意見既地方..而所有內容我都會睇過,,咁樣一來方便我管理,二來亦唔會產生得幾個回覆就下沉左既帖子...

同時樓上亦有會員提到..天龍版人流係多,,但回覆既人真係佔少數...我都希望其他比較少出聲既會員可以多發聲..畢竟只有青出於藍先可以維持天龍版既良好討論氣氛!!

terabyte

難怪樂古 人氣每放愈下 因個人觀點 連開個貼都要集中 真可悲
笑死人 那麼忙 就乾脆放棄職務吧
我都同意 #5 人兄
我自己都沒興趣睇集中貼

y0蚊

同意
我地開帖都唔係冇源因._.

∼香Ｂ∼

極度歡迎有能力既會員自薦版主一職!!

reynold0674

其實看得出版主是很有心機的
他的蹤跡往往亦能在每一個帖見到
而且我亦明白集中帖也可減低有精文沉下的機會
DSE是一份極為重要的工作
版主相信已盡了他的責任
亦不應所有事也怪向他
(看不起人應要先看自己!)
版主,加油喇!支持!