本帖最後由 erictung 於 1-7-2011 01:17 編輯
係開始前，先寫d廢話先，話說自從sd出左第一部s機(天意)後，s機就愈出愈多，而初初出的s機就幾乎俾人遺忘，今次我會寫飛翼零式(ew)呢個機評，事關佢個命運都幾慘下，出個時光芒就俾自由搶曬，及後就有dx挑戰佢個地位。另一個原因係因為想樂古有齊所有ew系列的機評(小略說他不會用包機，所以唔寫，重武又有版主寫左)，所以就參考過版主同小略的機評格式後決定去寫，去評!!(其實都有人寫過呢篇,希望大家都可以支持下佢http://nakuz.com/bbs/viewthread.php?tid=3782594&highlight= ----------我是分隔線---------- 先說說佢原作的機體資料 型號：XXXG-00W0 駕駛員：希洛．唯（Heero Yuy） 全高：16.7公尺 重量：8.0公噸 動力輸出：3732千瓦 推力：88150公斤 裝甲：鋼彈尼姆合金 特殊裝置: 零式系統（Zoning & Emotional Range Omitted System） 簡介(個命運又係幾慘下)： 15年前五位博士在開發托爾吉斯後又另外在設定鋼彈的設計圖，但是此鋼彈在設計圖完成之後被五位博士們認為其威力過於恐怖而未被製造出來。流星作戰發動後，卡特爾因為父親遭到OZ的謀殺而產生的報復之心，以自己家族的財產讓禁忌的零式鋼彈重現世間。飛翼鋼彈零式的外表與武裝大致上與飛翼鋼彈相似，但是其性能與武器威力均為所有機體之冠，主武裝的雙管光束來福槍甚至俱備一擊毀滅殖民地的可怕火力。不過此機體的最大特點還是其獨有的「零式系統」（Z.E.R.O. System）。零式系統會預測敵人的動向或戰場上任何的流動，並把資料直接輸入駕駛員腦中，其中也包含駕駛員的任何行動將會帶來什麼樣的後果，甚至連死亡的方式也可以預測給駕駛員。假如兩者配合得宜，機體的戰力便會以倍數提升。在劇場版中在受損情況下擊發三次暴風光束來福槍後大破。 呢部野的確令我覺得係全gundam系列中最靚的一部(就像天使般)，但命運都係幾慘的一部(無論故事定sd裡面都係一樣) 出世圖 
----------我是分隔線---------- 
說說他的武器設定吧: 形態一  一武(格鬥武器)光束軍刀:
刀短，三刀倒地，只不過係一把普普通通的光束軍刀，砍人都幾順，不過刀身短，同拳機打起黎都係冇咩著數，只不過係做樣及防色狼用(不過真係咁不如用形態二搞掂佢，作為一架包機，係唔應該用刀，只不過以防萬一)，他的武器亮點係二武同三武。
 二武(射擊武器)爆風光束來福槍2連射:
其實只不過係兩把光束步槍(雙槍)，但係佢勝在多彈，回彈快，射速快，聽聞仲會改到佢更快，攻擊力都幾高，射一槍的攻擊力雖然會分成兩發(換言之係要中曬兩槍先係佢原本的攻擊力)，但中一發個攻擊力都唔可以睇少，都幾痛下(比AR力天的雙槍勁好多)，而且一射就兩槍，加上出槍快(開埋技二仲快)，命中率相對地提高了(比較易中曬兩槍)，配合埋三武就更勁，改版後，射速更快。
 三武(副武器)機關加農炮:
這並不是普通gundam用的火神炮，而是豆豆炮，中距離攻擊(絕少機體的火神炮有如此距離)，彈多(唔同dx咁少彈，射幾射就要回)，回彈又快，攻擊力高，打i力場一流，射速雖然唔快，但係一開左技二就惡魔化，可同二武一齊用，打起上黎都幾痛(無論咩機都好)。
----------我是分隔線----------
形態二(變霸體，推進器轉到後方，攻擊、敏捷、滯空時間上升)
 一武(主武器)爆風光束來福槍全力模式:
殘彈得一發，射完後立即裝填，時間為5-6秒，攻擊力挺高的，簡單黎講，就係合炮，攻擊力勁高(接近爆攻的地步)，本人曾試過用呢個形態下向一部有85%血的s死神菊花位開左一槍(佢個時係我前面隱形，想殺我隊友)，結果係佢俾我秒殺(個時我未插精狙)，而且配合埋形態二的霸體及滯空時間長，玩狙的確係一流(唔怕倒地)，但係有硬直，回彈雖然唔算慢(起碼要5-6秒)，但保持係呢種形態下唔係幾好，好易死(一陣係六圍到再解釋)，試想想你浮係半空個時俾對面d人見到你會點，咁大件肥雞係佢地面前，佢地一定集火你先，唔講你狙唔狙中先，你都一定死硬。(好多人就係插精狙玩狙，到頭來一上到半空就俾人秒左成半血。)
----------我是分隔線----------
再說他的技能吧
 技能一
擴張噴射:噴氣使用時間大幅度增加。
技一令到形態二的滯空時間加長，並彌補了佢氣量不足的缺點，令你可以飛耐d，而且係滿血技，只要夠sp就開到，係一個唔錯的技能。
 技能二
零式系統:體力50%下所有攻擊傷害最大化,攻速增加,雷達顯示敵人位置,搜索距離增加
技能二令你所有攻擊變成smash，比未開技做成的傷害多了(因為hit係正面攻擊中扣得好少血，而smash係正面攻擊中最大，雖然唔及會心一擊，但你好少話會係咁會心到人地)，出槍更快，豆豆射速惡魔化，一下平均就有10幾發豆豆射出黎，對住d有i力場的機體射得仲爽(係咁打smash，痛死佢地)，而且有個人雷達，找隱形機或接近你的機體更易，搜索距離增加令形態二的大炮可以lock到更遠的敵人。但呢個技有個缺點係要50%血先開到，個時你可能食一個sp或者俾人用大炮會心一擊你就可以去領便當了，所以開左技2後建議係隊友後面射。
----------我是分隔線----------
形態一的六圍及打法(圖轉自戰紀):
基本上形態一係打中距離勁的機體(剪刀流)，敏捷同速度都唔錯，打遊擊、拉射(中距離，可以拉的距離更長)和執雞一流，防禦都唔差，基本上同自由個六圍差唔多，玩慣自由二武同三武的朋友，可以試下玩呢部，雖然六圍多方面都輸俾dx，但係佢勝在敏捷高(回氣快)、彈多，而且必殺為全彈型(dx係亂舞型)，可以保命的機會大好多(對住d追住你黎射的機體就好用)。武裝的設定都唔錯，但唔建議同人鬥射(尤其係重武)，一黎你未開技二，射速唔可以算快，二黎就算你開左技二，你d血都得番50%以下，咁射法仲死得快。----------我是分隔線----------
到形態二的六圍及打法(圖轉自戰紀)
變形後攻擊力、必殺同敏捷都增加，呢個形態部機回氣都幾快，加上急降又快，可以係佢著地後先變回形態一，攻擊力方面可以透過技2同插精狙卡黎補番，一開場就變形態二射一炮過去，被打到個位人兄真係都幾慘，一開場就冇左30%血(如果係薄血/防的機體應該唔上呢個數)。但係佢速度係零，換言之佢係飛得勁慢，你用曬boost佢都飛唔到好遠，咁飛法不如行仲快，而且你呢種形態好易俾人集火，話曬你飛又唔夠人快，又一件霸體，防又唔高，大大件咁停係空中，班人一定打你落黎先，所以唔好保持係呢個形態太長時間，開狙都係，搵唔到人就唔好繼續開鏡搵，你咁搵法除左好易俾人秒殺，仲要你班隊友3打4，同埋飛翼的主要武器係形態一，所以都係變番形態一同人打。
----------我是分隔線----------
配點建議
特裝3血，oc3攻3速3敏，本人唔建議全攻，因為形態2加多兩點攻擊就爆攻了，再加法會白白浪費左oc點，加速可以令形態一的噴射速度加快，而形態二可以飛快d(不過唔會咁用)，而加敏就令佢個移動速度及攻擊速度加快(試過加左3敏，出槍的確順左，但對豆豆冇咩幫助)，變形都快d，唔會因為個1秒delay令你冇左一半血，令你形態1可以玩剪機流，總之就係你唔好浪費曬oc點係呢部機的其中一個六圍上，咁加法唔會勁，3血就要佢開左技2後都唔會太薄血。(呢個係建議，如果有人唔同意，可以爆攻都冇所謂，只不過本人會覺得好可惜)
合成材料:
都幾難合，本人用到一個coin就抽到wing 0，其他機都係27號扭蛋機中抽到，但b重就要係20號扭蛋機先有，仲要係勁難中，不過本人就秒抽到(個時係度想唔中有佢啦，反正只不過係7200g，好快儲番，點知就...)
作戰視頻：
係人地拍(玩得好好，就算有i力場的gp-03d都俾開左技2的佢玩死)
http://www.sdgundam.cn/post/3027
呢條片係我的，打得差(3:38個度冇變形態一就沖個去，如果唔係出sp晨早就死左)，請見諒(遲下重拍,外加720P-1080P輸出)
另一位人兄拍的(可以參考下,或者娛樂下)
結尾:終於打完啦而家先發現原來機評要寫咁耐(由11點打到3點幾，中間去左食飯)，終於體會到版主同小略當時寫機評係寫得咁辛苦，所以請大家多多回帖!!(這是本人的處女作)
| 
[複製鏈接]
發表於 6-1-2011 15:42:00
收藏
轉播
分享
淘帖
支持
反對
變色卡
樓主