<神兵4>第14期 (兵中至尊 冥空•界殛)

xmen

網上好多言論(包括小弟)都覺得今期<神4>既故事有d亂，節奏&感覺同初期唔同晒，一來冇左宇外流代既玄奇味，二來冇晒香港既寫實感，感覺就好似睇冇時代背景既龍虎門一樣。-_-
明白黃易同文敵既編寫會有差別，所以造成頭十期同最近既風格有異。小弟亦唔係批評文敵加入唔好，相反佢既加入豐富左之前既情節。阿天既前世今生，「神兵會」既出現，加多幾把上古神兵､宇外神兵，神聖+希魔計劃大鬧地球等等，唔再係單一既穹白vs神聖既宇外流化。不過推出既人物，兵器太多太快，令到前面舖排神聖&穹白兩軍對決既緊張氣氛一下子冇晒。而好多讀者想睇既寫實香港七､八十年代，隨住香港太多神化人物出場而冇左，呢點實屬可惜，而家變返本一本冇時代背景既漫畫，讀者投入度就會大降，希望龍少要好好把握住，快d同文敵將<神兵4>納入正軌，「宇外流化」需要玄奇；「香港1973」需要寫實﹗﹗

無疑<神兵4>比市面好多書都有心機，而正因為咁我地至會希望龍少可以突破固有既框框，好似龍騰既龍神成功，在於龍少塑造出屬於香港既super hero﹗令到大家耳目一新嘛﹗

講左咁多，係時候拉返呢期既故事喇﹗神聖上期跳飛機，原來係去見佢秘密組織既軍隊，仲顯示佢飛天既能力，(好地地一個黑道大哥，見倒穹白時仲嚇到瀨尿，點都唔似一個組織軍隊既人嘛？誇張得滯了……)同時亦帶出貌似希特拉既人物「希魔」同佢口中既「魔兵」。
另一part就返返去醫院，除左顯示出阿天刀槍不入既神功之外，亦帶出需要追殺阿天，一班都有神功既「神兵會」成員；而非常有型既新人物「百渡大師」(金佛中人)&佢既兵器「大圓滿」亦都出場，同阿天前世迅雷有d因怨，坐住筋鬥雲，sorry，應該係大圓滿飛去搵阿天(呢個人物真係好型，不過佢既出現太過超現實，好似睇緊聖鬥士咁…)最後阿天不敵「神兵會」，眼見就要俾消魂殺害之際，迅雷呢位替身使者出現幫阿天擋左一劍。。。

今期出現既新花款有

• 地球神聖軍､希魔&佢口中既魔兵
• 「神兵會」&3位有異能既新人物
• 聖鬥士「百渡大師」
• 替身使者「迅雷」。
  

睇報告都睇到有d亂哩？雖然係亂，但係依然要讚既就係畫功保持水準，「百渡大師」復活同消魂出鞘一幕都好有迫力。只係太多新人物出場，再加上接受唔倒黑社會大佬能夠組織一隊軍隊，扣晒分了。奇怪既地方係「百渡大師」明明見唔倒對眼，係要話佢眼光炯炯有神；消魂出鞘時係「人斷魄．魔消魂」，但係黑鬼用時又唔見有事wor~；而今期旁白亦過多，犯左一般港漫既毛病，要加倍注意喇﹗

另一樣要特別注意既係最近都出現文不對題既情況。之前《無量神兵界》如是，今期「冥空•界殛」如是，成期都唔見有「冥空」出現既？唔通係小弟理解錯誤，界全名係「冥空界殛」先真？
呀﹗差d唔記得提今期送既「小界殛」tim﹗手巧精美，但係打造略嫌粗糙不過包裝幾特別呢﹗而冇入膠袋咁出，會唔會有報販借d 2唔送呢？嘻~~

最後講下個封面，下期個面相係龍行，今期變左無眉既白髮者，感覺差dd。下期既超勁誇頁封面就睇草稿都知正喇﹗^_^ p.s預告d字依然唔多通順，講左幾期，希望會改善啦﹗

brightism

上期封面既「草圖」(見福龍BLOG)，細心留意 天仔身邊有把「半月形既物體」同埋D火
但係之後出既封面就變左2條龍咁，而今期既封面冥空•界殛又係把「大圓滿」
係有用意定係我睇錯?

今期有少少要彈下
1. 封面寫「界極」，內文寫「界殛」 (上次預告都係寫「極」) 即係想點先?
2. 百渡大師破金身而出時，手上冇拎任何野，之後打雷手上就多左串佛珠，封面都冇拎
3. 呢2期好多新人物，有D亂，好似X-MEN咁，異能人大亂鬥?
4. 新人「金髮女郎」把頭髮好似GUILTY GEAR入面果個人物...(唔記得咩名)
5. 新兵器「龍旋」(有叉果把) 好似EVA入面支咩咩矛.......
6. 點睇迅雷都好似超人....識飛...
7. 葉青之前個LOOK得D囉, 粉紫色~HEHE~

南龍介

原帖由 brightism 於 17-5-2008 22:24 發表
上期封面既「草圖」(見福龍BLOG)，細心留意 天仔身邊有把「半月形既物體」同埋D火
但係之後出既封面就變左2條龍咁，而今期既封面冥空•界殛又係把「大圓滿」
係有用意定係我睇錯?

今期有少少要彈下
1. 封面寫「 ...

應該右邊似eva個把係分天
左邊係龍船[[bao_34]]

神武光輝

[[bao_42]]正，繼續支持

wood2046

睇到討論區內部份留言估計好多人可能唔太鍾意今期，我反而覺得今期幾好睇，百渡大師出場相當有型，個角色幾有可塑性，幾期待百渡下期表現，神兵會o既出現令故事發展多左變數，其實今期睇得出劇情係「放」左好多，要科幻o既就唔好怕被人話唔合理，劇情可以去盡o的

xmen

其賓單獨一期黎睇，今期無疑係好豐富。只不過同之前既情節唔吻合。
1.沙曼洛只係一個黑幫大佬，無端話佢組織左軍隊wor~~好，當佢真係組織軍隊，咁佢黎香港既目的係咩呢？既然已經有咁多$買軍火，真係黎香港炒下股票仔拎少少$就算啦？而且佢係有成支軍隊既人，之前見倒穹白既幻影會驚到瀨晒尿咁滯咩？唔係咁虧卦？
2.一下子出現太多新人物，同之前慢慢煲人物既節奏唔同。去到急左d~
3.冇左香港寫實之處，之前神4吸引小弟既地方，係望見舊香港既特式，點知而家好似變左本龍虎門咁冇時代背景，真係有d失望。最想係佢加返d我地熟悉既香港73人物入去，甚至加埋阿天偶像李小龍做配角，何樂而不為呢？

靛．羽．風．蓮

看到有漫友說上期預告頁那個人像密藏龍行，我第一眼看就覺得不是他，大家覺得像密藏龍行嗎？

xmen

上期刊登的14期封面草稿，與真正推出時的完成圖不同，故上期有人認為百渡大師與密藏龍行有關亦不為過。^_^

brightism

睇書其實可以好簡單, 睇完喇, 覺得好睇咪讚
乜原來「讚」就係代表讀者冇質數、對本書冇要求?
「彈」就係代表有份量、睇得夠深入?
真係失覺晒

sammy20082008

小弟新人報到，入呢個壇純係龍少Fans，個人覺得創刊至今都好精彩，希望keep住，我會繼續支持！[[bao_49]] 講返把送嗰把小神兵，感覺上有Ｄ名過其實，手功比較粗，同埋嗰個可轉動嘅手柄真係唔掂，事關轉完之後成個手柄鬆晒，結果又再買多本攞多把新嘅嚟收藏！[[bao_27]]