<神兵4>第8期 (原力開竅•一日千里)

xmen

原帖由 brightism 於 5-4-2008 12:07 發表
阿天會唔會因為打穹白
逼到佢既潛能爆出黎, 用焚風3招野再悟出佢自己既刀法..應該會CALL把刀出黎FING幾下...
希望唔好係為左「顯示阿天既潛能」而開打, 穹白好認真喎....[]
但阿天咁快咁勁..唔知會唔會有D"內功心 ...

如果冇左香港70年代做背景，<神兵4>就會變成一本普通既打書。
建議龍少可以上網甚至去圖書館搵下73年有冇d咩大新聞，可以穿插其中。讀者睇得出你地有心，誠意都加晒分唷﹗^_^

brightism

咁設定係70年代其實用意何在? 為70而70?
希望遲D會有D"野"係香港發生, 令到佢既70年代設定唔會"晒"左

其實之前睇呢...人間 同 宇外咁穿梭真係有少少亂
而家睇黎會留係宇外一陣

[ 本帖最後由 brightism 於 5-4-2008 12:56 編輯 ]

wood2046

坦白講，太多人做o既野我唔想做，所以讚賞o既文字可免則免
神 4 都已經睇左 8 期，感覺上故事結構太公整，以致劇情變數愈黎愈少，開始變左正對邪o既緊局，歹角來來去去幾個，穹白、損日、坤劫等人，今期最尾一頁穹白「又」出場，之前幾期都「玩」過，欠新意、缺追看性，紀生練功環節等如空白劇情，焚風第三招學得太兒戲，我知今期想交代紀生力量一日千里，不過我相信力量提升同悟性係兩回事，另外紀生願意加入焚風一方的立場太順灘，浪費了可利用的矛盾點發展劇情，樓上有話唔想神 4 變成打書，我真係唔明打書有咩問題？王小龍傳好睇嗎？我自己就覺得相當好睇，雖然每期都係打打打，但人物關係複雜得幾乎每場打戲都有合理原因

brightism

打書有問題? 冇, 不過我只係唔想神兵好似王小龍咁以打做主題, 用唔同合理原因而開打
神兵廣告句SLOGAN係「創造新世界」, 要創新, 就唔好得個打字..宇外 同香港2地穿梭
日夜界, 人間渡呢D設定為神兵而定出一個新既世界觀
咁要係要打既, 點解要70年代? 點解又要2地穿梭? 搞咁多野唔係為左創新咩?
搵黃易做劇本顧問唔係想個故事細膩佈局精心舖排?
呢D設定如果只係為左多D人打(2個世界), 去設定合理既開打原因
係為左多D打戲? 咁我真係無野講

我欣賞既係神兵比到一個奇幻世界我, 再加上畫面好睇, 打得精彩
咁我會睇得開心, 我冇能力去阻止神兵點發展
多我一個讀者唔多, 少我一個唔少

好睇就讚, 唔需要理會有幾多人讚

weivat

今期有兩個令我看的很不舒服的地方，拿出來大家討論！

第一，第五期先至剛剛用過，第八期穹白再次榮登尾頁，太過無新意了。
試想一下穹白在第一期就顯露了一身奇功：複製外貌的能力，複製了久石刺殺墨堯；如果穹白真如今期12頁所說什麽“地利”什麽“軍團”什麽“個人”什麽“優勢”那樣，就應該斗一下智，複製了火海連天里的人來搞突襲啊，點解距甘笨？？

第二，穹白的彩稿有偷工減料，COPY修改的嫌疑！
明眼人請對照第二期封面、第六期35頁右下彩圖、第七期第7頁左下彩圖、第八期11頁中間彩圖穹白的頭。。。
不要學肥良D惡習啊。。。。

xmen

睇黎大家都覺得穹白太快出場，冇神秘感唔係咁好WOR﹗

雖然穹白係出得快，不過佢既實力又未盡出，同神聖既恩怨又未攪清。只要龍少肯繼續雙線發展(香港宇外)，應該仲有睇頭既。如果只寫宇外既話，就顯得太過單調了。

期待下期既穹白VS久石，咁樣就知穹白功力如何喇﹗另外，我都覺得唔駛要特定穹白做死一世大佬既，寫佢從良都可以架嘛﹗之後又出個更勁既人物。嘻嘻~~