本帖最後由 ttimecrisis4 於 16-3-2011 20:39 編輯
感想:
之前有幾個fd講過話想我轉下開場白,其實冇咩野可以轉~__~ 開場白其實都差唔多,講來講去都係果d,哈哈.不過,估唔到開場白都有人睇,我通常睇人地既文章都唔會睇開場白,其因大多內客冇關係,唔睇都唔會影響你對篇文章既認識,加一都係一段好短既野,冇咩興趣去睇....可能係我既諗法囉=]
入少少正題先,沙薩比,出左咁耐都係唔見有好多用佢.其原因可以其他機比佢出眾,倒如..命運高達,同NU高達,果時沙b同佢地2部一齊出,命運高達較多人認知,而NU高達就係主角機,相比之下沙b就顯得唔出眾了,仲記得剛剛出命運圖果時,真係打街場時8個人都用命運,仲要起幾個房都有同樣既情況出現,真係好O嘴,我仲記得更新果日我部電腦先離中毒,搞到要去網吧玩,哂錢.....
沙b我都係玩完命運高達同NU高達先開始慢慢升佢,初時本來去打任,打到去強3就收檔,因為有幾部機都未上到我想要既等級,沙b就惟有比我雪藏下(可憐...),後來部重裝ew上埋oc6,就開始覺得悶,打開個機庫,睇下有咩機值得上oc,本來想上部gp02a上ex,但一按佢出擊前就諗下,爆過5 6次了,玩到厭,所以都係暫時唔放人核彈吧~__~
又轉下第2頁,見到多3 oc4,上5應該唔難,不過,我唔識玩拳- -'所以都係算吧,打番開第3頁,見到有部剪機—沙薩比,無聊一時拎佢出離過2手,入去街場打番幾場,雖然得強3,但當我真正玩沙b時,手感非常好(之前係全打任務升),用上去完全唔kick手,非常好感覺,加上又係剪機(本人係剪機控- -' ),頓時間對喱部機產生了非常有趣既好感,心血來潮之下,決心上喱部去oc,結果oc1-6都冇爆,勁好彩...不過,本人就算上唔到oc6都打算下次寫喱部,因為我大多會寫剪機/包機,有睇我機評人有冇發覺我係完全冇寫過拳屬性既機呢?! ~__~
機體介紹:
在U.C.0093年夏亞返回吉翁方就任新吉翁的元首之後,他命令工程師們開發一種能夠與他的駕駛技術和Newtype能力相稱的機動戰士。其結果是,亞納海姆公司研製出了代號為MSN-04的新型MS,即「沙薩比」。沙薩比全高達25.6米,遠遠超過了一般的機動戰士;但是藉助於更多的大推力推進器,它實際上擁有比一般MS更高的速度和更大的機動性。沙薩比的主武器是一把安置於腹部的大功率米加粒子砲,其威力足以一擊擊毀裝甲薄弱的機動戰士。其它武器包括一面內置3枚飛彈的盾,一支光束步槍和一把光束戰斧。為了發揮夏亞的新人類力量,沙薩比裝備了6門浮遊圓錐炮,駕駛員可以利用塞可繆系統對它們進行思想控制。沙薩比也是第一台具備革命性的精神感應框體座艙的MS。此系統最大限度地發揮新人類駕駛員的作戰能力。
有關圖片:
武器介紹:
1武:盾牌飛彈-射程中近,3發彈藥,一次性回彈,回彈速度快,有少許爆風效果,攻擊力中
2武:光束霰彈步槍-射程中,彈藥約10發,回彈速度慢,攻擊力中,出槍快
3武:浮游炮-射程遠,6發彈藥,回彈速度慢,一次性回彈,智能一般,攻擊力高(6發全放在同一人身上全中)
變形後:
1武:光束軍刀-近距離武器,4刀倒地,有衝刺效果,攻擊力高
2武:光束軍刀x2-近距離武器,冇衝刺效果,回彈速度極快,每斬一下便回一次彈,4劍倒地,攻擊力高
武器上,同命運一樣,都係好雞肋(有睇過我命運機評應該明白),不過,我好少會用劍,其因敵人好少會接近到我身邊,可能隊友太強吧,或者我太神呢...<------講笑,唔好挑戰我,我會潛水的....=]
先講下一武吧,一武係實彈,有3發彈藥,亦都有爆風效果,不過效果唔算好大,對近距離既敵人非常有用...打有I力場既機更加唔使講,加上回彈快,唔使擔心無用武之地,亦都冇硬直副效果,不過敵人都會冇- -' 一武大多會應用在有I力場既機,緊既敵人,同埋近身肉搏既拳機上.
先說打有I力場既機吧,一武為實彈,打有I力場既機就不用說了,因為只有實彈先可以對佢做成有一定打打擊,用激光射佢簡直係浪費彈藥.沙b一武雖然彈藥只有3發,加上要一次性回彈,所以火力上可能比較弱,不過惟一的好處就係回彈快,彌補番少彈藥上既缺點.
另外,沙b既一武仲有一個少少既爆風效果,對於有敵人落一d角位、邊位唔出離,自已又唔想上前離個正面交鋒,一武有非常大既用處(本人試過好多次都會對敵人做成扣血效果),只要手動對著邊位/角位射幾射,往往會有一 兩下做成傷害,當然,喱個用法既實用性唔多,因為好少機會敵人會躲去掩護性低既建築物後面,不過喱個都算係一個優點吧.
加上.一武對於突然其來既拳機亦都有一定既作用,倒如,當拳機起你下面徘徊時,主要因二武巳經對其起唔到d咩作用,因為鎖定目標距離短,命中率因而大大減少,一武起喱個時候可以發揮作用,因為鎖定距離短,更加令一武有更高既命中率,另外一武有少許爆風效果,對於距離既敵人非常有作用.雖然彈藥上不足以殺死敵人,但都算係一個死前既最後淨扎吧,死而無憾呢~__~
二武睇上去係光束火箭筒既樣了,射程應該有中遠,但其實都只不過係假的,同光束步槍既射程一樣,都係中射程,sad.....二武彈藥數唔算多,大約10發(我冇真正咁數過- -'),回彈速度亦都頗慢,所以唔好亂咁開槍去嚇人,反而用一武比較好,不過二武出槍速度快,增加命中機會,二武亦都係最常用既武器,攻擊力亦都唔錯,惟一缺點就係對住有I力場就真係起唔到d咩作用了
三武為惟一遠距離武器,有六發浮游炮,回彈速度極慢(技能上彌補罷了),通常三武既都會令到玩家自已變成玩包機,其因沙b既三武攻擊力唔差,加上技能就更為恐怖,就更加了.三武最正常的用法係放一半去一個敵人,另外一半就放去第二個敵人敵上,點解要咁?其因浮游炮唔係最主力既輸出,主要都係靠一武同二武,三武既作用大多都係用作擾敵(冇血時除外),我發覺大多既敵人若果比浮游炮跟住,加上佢有bb彈既話,都會e埋一邊去用bb彈射爆d浮游炮,而忘記作去迎擊敵人人,咁樣就做成左了真正擾敵既作用了.咁既情況通常會乘機上前殺佢(睇場地,隊友既合作),通常都大獲全勝.
至於點解唔好將浮游放哂起同一個身上,我相信好多人都知點解了,不過再講講吧....若你用哂起一個人新人雖然可以對其做成最大既打擊,但若敵人可能串過一幢建築物,就會冇哂,又或者若你剛剛放哂落某敵人身上,佢就比人殺了,你既浮游炮就會冇哂,加上回彈速度極慢(開左技二唔計),不過,以上既做法惟一可以起空曠既場地入面使用,我想大概最好既做法了..
另外,睇過有好多人玩有浮游炮x6既機,大多人太注重浮游炮了,飛到空中去放,就算人地緊都仲要放哂6粒先收手,我估喱個大概係新手/中手的毛病,咁樣有一個好大既缺點,會比人當成槍靶咁狂射,加上起空中,冇建築物阻礙,可能未放哂6粒浮游炮之前就入土為安了(死亡)...所以,我諗浮游炮唔使睇得咁重呢~~
變形後:
一武為格鬥武器,有4刀,有衝刺效果,大多會作旁身之用,主要因為要變形後先可以使用,此武器冇咩大分別,惟一就係可以搏二武吧
二武為0距離武器,冇衝刺效果,連按有追打既效果,最多可以打4下,攻擊力高,大多會同一武第三刀後用,二武比較唔多適用於救人放面,其因要4下先可以倒敵人地,加上使用4下時既時間長左,可能要比人救番轉頭呢.....所以都係未到最後關頭都係唔好用,用多就錯多呢~__~
武器上算有全面,三種距離都有齊哂,近距離近為明顯,火力上亦都頗足夠,若要雞蛋裡挑骨頭既話,應該都係變形後冇槍等武器吧(多謝我fd提點=] ),變形後冇槍雖然問題唔多大,但若果變形後去用一武打人,敵人就後退加用槍射你,當喱個時間你會衝上去繼續肉搏定變番形用槍同佢鬥火力?若你繼續肉搏的話可能比人射左好多槍後先殺到佢,一命換一命亦都有可能,加上自已S機,唔值得去搏,若你以變回有槍狀態去射佢,其實以經慢左人一步了,起碼射少人一槍,加上敵人有時間逃走,往往就失去殺敵既機會了...
另外,要變形後先有劍既剪機往往係拳機既食物,大多拳機衝到差不多埋身時,再變形去應付,但當時拳機巳經埋到身邊,比人慢了一步用一武,往往就比人扣血先,惟一可以解決就係用二武了,因二武有優先,所以就算佢用一在先你都可以反到佢,不過變形二武攻擊範圍細,加上有硬直,要用得非常小心先可以達到效果....
大概這兩點缺點吧,其他都冇問題了~~
沙b算是一部強機呢~
技能介紹:
鐵壁守備-機體HP30%以下時機體防禦力大幅上升.(機體移動速度下降)
強化浮游炮-浮游炮攻擊力增加,重新裝填速度上升,浮游次必殺技威力上升
技能上算完美吧,剪機加上鐵壁更顯生命力,移動速度下降唔係大問題,因為唔會影響機動力,開左技後沙b既出槍速度依然好快,惟一算係缺點就係開技要求比較難,其他也不大問題了.
技二其實令到沙b既三武同必殺技加以強化,開左技二後,浮游炮可以更加令人做成更大既打擊,自已冇血時放下三武都唔錯,加上三武回彈速度上升,6發浮游射哂人後,等多陣就回完彈,再放過,加上有鐵壁技,冇時緊都唔會比人射幾槍就玩完,加上必殺技威力上升,放人必殺都幾痛下~__~(不過我通常都會留必開技)
另外,有人話若果技二轉做回彈速度上升比較好,令其一武同二武同三武都有幫助,不過,我估咁樣也許太屈機吧,加上沙b本身既一武同二武都足以應付敵人了..另外,冇血時加上技二,埋一邊屈三武,效果唔錯.
強化點建議:
我特裝升3血,之後升左7攻同2機動,升3血既原因其實最主要都係防必殺,加上特裝點升血比oc點升血頗為多少少,所以通常玩全防的人大多特裝點時會上3血,之後全防..2機動既原因其實想令佢出槍既速度快少少,加上技一既關系,所以升2點機動效果更明顯,至於唔升速度既原因係因為開左技一後會減慢速度,若果升2點既話(2點就爆),即只係彌補番開技後既缺點,我想大概都不重要吧,至於升7攻既原因係因為想令佢既攻擊力加以強化.另外,防禦力方面我估冇咩人會升吧,就就全防上都係升好少,加上有鐵壁技,夠用吧.至於升必殺技方面,因為技二會加傷害,所以冇謂再作強化,所以,我升左特裝3血,7攻,2機動.
個人喜好最重要,只係建議一下.
合成圖:
有一部AS機,就係百式,同一部而家仲未有圖既BS機,惟一難合既百武,因為要迪杰,不過,迪杰而家出左圖,之前解哂迪杰佢人唔使傷心了,再合過.另外,部BS機我相信應該都冇咩人會手多多咁解左佢吧,惟一唔好就係之前有人玩到佢oc6/ex,之後又想合沙b,但佢又唔出圖比人合多部,果時真係得個睇字了~__~
其餘一部B機,一CR機同一部C機相信唔大問題吧!
視頻:
視頻不是本人的,部電腦太廢,拍唔到片了 - -'
更多的機評:
沙薩比機評:http://www.nakuz.com/bbs/viewthread.php?tid=3962309&
重裝高達改 EW 機評:http://www.nakuz.com/bbs/viewthread.php?tid=3954590
GP 02A 機評:http://www.nakuz.com/bbs/viewthread.php?tid=3948726
NU高達 機評:http://www.nakuz.com/bbs/viewthread.php?tid=3932643
命運高達 機評: http://www.nakuz.com/bbs/viewthread.php?tid=3927157
脈衝高達 魅影裝備 機評: http://www.nakuz.com/bbs/viewthread.php?tid=3913734
亞布撒拉斯II 機評:http://www.nakuz.com/bbs/viewthread.php?tid=3908879
FA ZZ高達 機評: http://www.nakuz.com/bbs/viewthread.php?tid=3903604
突擊嫣紅(光束步槍) 機評:http://www.nakuz.com/bbs/viewthread.php?tid=3904219
高達F91 機評:http://www.nakuz.com/bbs/viewthread.php?tid=3902130
德天使高達 機評:http://www.nakuz.com/bbs/viewthread.php?tid=3900744
鐵奧 機評:http://www.nakuz.com/bbs/viewthread.php?tid=3899284
X 勇士高達機 機評:http://www.nakuz.com/bbs/viewthread.php?tid=3897965
天意高達 機評:http://www.nakuz.com/bbs/viewthread.php?tid=3897219
GP-01FB 機評:http://www.nakuz.com/bbs/viewthread.php?tid=3896685
脈衝高達 空影裝備 機評:http://www.nakuz.com/bbs/viewthread.php?tid=3896193
百式 機評:http://www.nakuz.com/bbs/viewthread.php?tid=3895737
(入去過目一下啦~~) |