[悲觀mode?]gc版的黃昏?

小雪冰

夜晚見訓唔著 唔知做乜好就上黎亂吹幾句

[無聊字海注意]
唔知幾時開始
我估係舊年 又或者可能再早d
每日上gc版既時候
覺得新帖、甚至係新回覆都愈黎愈少
有時甚至一日得一兩個新回覆
睇見都覺得悶
心諗 :「點解睇黎睇去都冇野睇架 成個死城咁既款」
碌去頁底下面睇下有咩人係度既時候
分分鐘得果小貓34隻
初頭都仲話見到幾個on得算係比較密既人
後尾愈整愈少 真係幾乎人影都冇隻

人流何以會愈黎愈低呢?
我自己推斷既原因就如下:
1. gc既吸引力每況愈下
自從港版gc執左
大家要玩gc就逼住要玩台版gc
本身港版gc都已經有衝突架啦
兩地融合既話 發生衝突既機會又多左(?係掛我估)
嚇走哂d香港玩家

另外 就係角色出得愈黎愈多
多都未係重點
重點係唔平衡既情況愈黎愈嚴重
玩親vs 唔想比人屈機就要打幾百字既標題
例如係「不弓ap角咪爆技樹鎖寵c+」咁樣
(死啦 唔知係咪太耐冇開場玩 我諗標題既時候超級生硬orz)
真係冇咩癮
就算真係有人肯玩 對手又分分鐘出埋d屈機技
真2就狂出踢
莉就狂下z之類
搞搞下 連場都費事開黎玩
玩家數量自然日益減少
少左人玩 咁個版既人流又自然會流失

2. gc版既吸引力每況愈下
除左gc本身
gc版自己都要有吸引力
玩家先有動力上黎

幾年前 大約08年左右
當時gc版都幾熱鬧
起碼比起宜家呢個死氣沉沉既氣氛好好多先
大家都成日開post
版主又有時間管版、搞精華帖、搞多d活動
仲記得當年曾經有次版主招募
申請人都幾多下
無論係主版定分版 競爭都算激烈

講番近少少 去到10年
唔多記得當時呢度既人流如何
但起碼個版都叫做有生氣先
間唔中都會有活動玩下咁
想當年既復活節比賽 仲搞到有罵戰
搞到都幾大件事下
------------------------------------------------------------
講真
見到宜家gc版咁既樣
我竟然有d懷念以前有罵戰既情況
覺得:「嘛 至少都仲有人肯上黎講下野先啦
總好比宜家 人影都冇隻丫...」
咁當然我唔係鼓勵緊罵戰啦

點都好 大概gc版既命運就好似人生一樣
黃金時期過左去之後 就會開始沒落
最後慢慢咁消失
老實講 雖然我知gc版只係虛擬社會
就算冇左 都唔係一件大事
之但係唔知點解 我真係唔多忍心見到gc版就咁就沒落
如果可以做d乜野 令gc版多番些少生氣既
雖然我唔奢望gc版會再好似幾年前咁咁熱鬧
但係我都希望可以盡下力
(雖然我宜家都少玩左gc好多 不過gc版就每日都會上)
只係唔知以我一人之力 可以做到咩姐
我淨係識得上黎廢up幾句架昨...orz
唔知有冇人同我一樣 有類似既感受呢haha

最後 多謝大家花時間睇我係度發up風..lol
如果有興趣既 都歡迎大家討論下gc版沒落既原因 之類既話題

小雪冰

回復 2# 柚木共睹
版主都係會員黎架姐
而且就算我唔開post
都唔代表現實唔存在呢d問題

回復 3# clarence2468
下 咩格式-.-

講真我堅係好耐冇玩過街場vs
下下要諗標題兼等人真係好麻煩-.-
又費事撞到冇品人
玩黎都係哂氣兼激氣 冇咩樂趣可言
所以我都唔知宜家vs情況係點
等我有興趣既時候留意下先

乜原來宜家跳攻落地冇左空隙咩
我真係完全冇留意到

克2我之前都有見過人玩
不過佢係玩下z 想狂插我姐..
都係冇意思

小雪冰

回復 7# hungpuichoi
唔係好明
點解標題冇講禁ap之類果堆野就會見到高手?

回復 8# 正紫月
嗯 的確係
你有玩其他地區既gc?
我自己就冇玩過
或者可能唔同地方既文化都唔同
其他地區d玩家比較有品 / 官方更新冇咁離譜
所以人流先同港台服差咁遠

小雪冰

回復 10# lianddy1994
閣下所言甚是

講起打任
gc最初出既任務
大概係gc唔同版本既任務之中最好玩既果批黎
多元化之餘又夠挑戰性
一個任既玩法唔係淨係好似宜家咁
每關都係清完一堆怪 跟住打埋隻boss就收工

以前既任務係當然都有清怪既部份
但係個形式同宜家又不盡相同
我記得好耐之前曾經出過迷宮任
怪難打之餘 路線充滿未知性
講求合作同技術
樂趣自然多
卡查任都幾經典
先清完一大堆怪 又要打巴龍
弊在仲有條空隙係度
分分鐘比條龍一野就打左落去
合作得唔好 又冇技術 幾難打得嬴

可惜既係 大概到gc摺埋果日都唔會再出現上述咁好玩既任
類似既任都唔知有冇可能出現

講番你提起既因素 ("數"字其實係別字 不要介意)
個人認為影響較大既係遊戲創意、平衡度同玩家方面果2個
事關佢地既影響係比較直接同深遠
同埋 其實呢d因素係環環相扣
遊戲本身同玩家都會互相影響
遊戲唔好玩 好自然會影響到玩家人流
大部份玩家質素低 又會令其他高質素玩家避而遠之
整整下連game都費事玩

睇黎要令gc版多番d生氣
真係一件幾棘手既事...sad

小雪冰

回復 15# clarence2468
恭喜
你被騙了

好耐冇玩街場
開番場黎玩下先
睇下會撞到d咩人

小雪冰

回復 20# 正紫月
可能由盛轉衰 / 變質呢個過程係每樣野必經既階段黎..
唔止係game 其實有好多野都會變質
例子就唔多舉了..

至於gc廣告 可能因為我裝左adblock plus
所以就算有上utube 都係見唔到
其實一路以黎 gc真係極少賣廣告=.=
無論係電視定網上
咁多年黎我真係冇幾好見過有個正正式式既gc廣告
反觀其他online game 例如跑
佢間唔中都會出下新廣告 介紹下新活動
相信都會吸引到d新玩家 / 冇再玩既玩家回流

[偽]乜原來「版主」呢個身份咁大吸引力[/偽]
[真]或者嘗試代入一下吧 你回呢個post係唔係因為樓主係「版主」?[/真]

小雪冰

回復 24# taxitaxi7
點解咁講

小雪冰

回復 28# m88
聽聞聊廣同巨商兩個人流不嬲好多既版塊
宜家人流都開始下降得幾緊要

回復 29# taxitaxi7
係-.-
我一直都想樂古可以好似fb咁自動更新...
會方便好多

回復 30# a94123
LOL宜家好鬼多人玩 幾熱鬧下
的確gc玩法真係比較少
呢2日我諗緊有咩活動可以搞既時候 都盡量試下諗d另類既玩法
睇下可唔可以令個活動吸引d